Lirik Lagu Dayak Ngaju Kalimantan Tengah Yety Miri - Intihan Atei

Paramisi tabe kula jalahan
Akan panyeneh ungkup babuhan
Kalutuh auh karungut insanan
Pilihan ateiku jagau mangawan

Pilihan atei ku huran manyupa
Metuh ku kuliah melai palangka
Tabuka atei ku palus narima
Jagau sederhana hayak bakena

Tagarak atei kapinatau jagau
Kilau tanuah butup panatau
Kenalan dengangku metuh hasundau
Bara batang danum je pulang pisau

Hatue pilihan aku pasuru
Pander sarita patut balemu
Manggapi bereng ku je punei lewu
Bara batang danum bahejan liu

Kue palus manjalin hubungan
Bajanji satia metuh pacaran
Saling percaya jaga perasaan
Bele basule itung pikiran

Katika jite aku balaku
Balaku kaka sabar manunggu
Aku sakula manuntut ilmu
Kuliah melai kota gadung batu

Duan pandak kesah je kula tundah
Sakula ku tamat kuliah lepah
Janji badehen basurat segah
Marega adat je ayun itah

Berkat tuhan halajur manggaduh
Hubungan kue tau sanunuh
Aluh hatambeleng riwut manampuh
Cinta sejati dia akan rapuh

Terimakasih jagau balinga
Hatue pilihan paling satia
Pintar harati gantung sakula
Manggaduh andim intan garinda

Ampin jodoh kue je jadi sampai
Bulan bintang jadi habambai
Melai pelaminan munduk batatai
Manyanang atei je bapa umai

Katika jituh kue belum hinje
Punei lewu barubah pangkeme
Kuan uluh bakas babelai due
Mipen panginan balaku tege

Sanang angat je itung huang
Nyalenga mangandung garing tarantang
Haranan kacinta tuntang kasih sayang
Salamat bara belum tamanang

Sampai nah jadi waktu katika
Anak je inunggu dumah babala
Salamat lahir nangkenya dunia
Bawin balanga intan kamala

Hong rumah tangga belum bahagia
Ruhui rahayu hoang keluarga
Indu bapa empu bakasa
Kalute ampin asin hatalla

Tikas te bewei auh riwut rawei
Karungut cinta pilihan atei
Alu karangan je dia baretei
Melai budaya ku metuh batukei

Youtube : Lagu Dayak Ngaju Kalimantan Tengah (Kalteng) Yety Miri - Intihan Atei

Terima kasih. Semoga bermanfaat ya. GBU

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel