Lirik Lagu Dayak Ngaju Kalimantan Tengah Samsi - Cinta Janji

hayak karungut aku mangambang
sarita jetuh je harun lampang
haranan pikiran je purung parang
mangganang kaka kaleka huang

ikau kaka narai kabar mu
aku hetuh puna taharu
jadi babulan angat banyelu
mangganang kaka aku manunggu

ikau namuei halisang kejau
tulak manggau karuhei tatau
malihi andim ela nalingau
halamban nyahu aku mantehau

dengan sahur sambat aku bahajat
mudahan ikau pikiran mangat
tanjung jalanan je dia sasat
biti barigas sanang salamat

ikau melai je parak kayu
sambil manyeneh auh burung metu
amun tege je burung lingu 
palus mandua rajaki dinu

mudahan tau numun kahandak
talalus doa je itung niat
ikau namuei sambil bahajat
rajaki dumah pahayak berkat

aku munduk sambil manimang
riwut manampuh je baun tunggang
mamikir ikau sambil mambayang
ikau kaka kaleka huang

aku andim je melai lewu
tarus bingat kutak muh helu
amun tege manuk manandu
ela mantehau mahalau tau

janji kutak halajur bingat
ela nalingau je palus lekak
awi jela tau pahayak
cinta kue dia bakarak

aku andim je nundung nure
rancak mangandung atei kapehe
susah sanang kue mangkeme
asal sayang baatei ije

kaka dumah namuei kejau
mimbit penyang karuhei tatau
dengan andim buli manyundau
panjang umur je bungas jagau

ikau kaka je jadi dumah
ateiku andim hanjak gairah
dengan muh kaka jadi hatampayah
kue belum hapeteng segah

iyoh jaka jagau pangeran
cintaku dengam dia ngalapean
jete janji je bara huran
dia kan nihau sepanjang jaman

janji kue je bara sulak
dia kan tau kalah balekak
aku andim baatei hanjak
sampai hindai dia bakarak

nende ku helu sarita inyampai
akan itah kula handiai
mahasil gawi je munduk melai
cinta janji dia kan terai

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel