Lirik Lagu Dayak Ngaju Kalimantan Tengah Tara Tewah - Belum Hinje

Tabe salamat je mina mama
tundah pahari bakas tabela
hajamban karungut sarita babala
pasangan belum je saling cinta

metuh nyelu due ribu tiyen
hasupa kaka angatku mahamen
nampayah kakenam dia laluen
manampa atei ku kalaliyen

metuh tamparan aku hasupa
dengan kaka je gagah bakena
manabe lenge manyewut ara
kue palus manjalin cinta

kaka mansanan angat kacinta
dengang ku andim intan garinda
palus mambina je rumah tangga
bajanji belum saling satia

kue palus je belum hinje
pakat bulat je himbing lenge
tiruh ketun halajur ije
susah sanang sama mangkeme

are macam ampin rintangan
gelombang belum melai kehidupan
kue mahalau dengan ketabahan 
halajur berdoa balaku lindungan Tuhan

belum hinje jadi are nyelu
belum pakat ruhui rahayu
dengan kalunen saraba tau
tuah rajaki halajur dinun

angat pangkeme puna bahagia
belum hinje dengan mu kaka
tuah rajaki halajur babala
tuhan halajur memberkat kea

angat atei ku puna sanang
jadi mandinu garing tarantang
due biti je jagau tingang
belum batuah baumur panjang

mandinu tarantang je due biti
hanjak sanang pintar harati
belum batuah hayak marajaki
panatau panuhan je paling ba arti

kue belum je sanang angat
palalus uras kare hajat niat
mandinu due jagau sarapat
bereng barigas belum sanang mangat

kalute ampin kuasan Hatala
rukun damai melai rumah tangga
mudahan itah belum bahagia
batuah marajaki lampang sarita

amban balanga nyaling lamiang
kalute auh je tandak timang
jadi mandinu garing tarantang
bajanji belum je hentang tulang

tende helu auh sarita
aku ngarungut je baya baya
amun tege kutak je sala
ampun maaf pahari kula

Youtube : Tara Tewah - Belum Hinje

Terima kasih. Semoga Bermanfaat ya. GBU

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel