Lirik Lagu Dayak Ngaju Kalimantan Tengah Marsil Tualan - Riwut Karuhei

mapuiku ikau je manyan garu
mampisik ganan buluh marindu
akam manyundau andi putir busu
mansanan aka aku balingu

nguhus ku ikau petak kamalai
balaku ganam tulak manyampai
manyundau andi kaleka melai
hambaruan kue laku habambai

pahiauku ikau suling lamiang
ganan humbang lingu umba manimang
mandehen petehku riwut je tarawang
maja lewu nupi andi busu pandang

hatambeleng tampuh riwut mahalau
manuju andi melai lewu kejau
melai lewu nupi kue hasundau
hambaruan kakam dumah maja ikau

manjapai je sewut talagan adam
mangunci aram tunduk hambaruan
danum satitik asal tamparam
bara kandungan je indu bapam

hayak bagarak talaga uju
tulak narusan je lawang kuwu
ngarambang sabenget andi putir busu
mangat katawam kakam manggau

lepah injapai auh pantap jela
mampisik ganam riwut suara
riwut karuhei babala maja
manggaduh berengmu intan garinda

hayal paniruhmu busu andi
malis mamangkut gaguling hai
hambaruan kakam dumah manggapi
sambewa dengam melai lewu nupi

kue sambewa hamalem jituh
kasih dan sayang jadi bagaduh
hining bujur buah kakam hamauh
ela huangmu batindar akan uluh

jite petehku puna bahimat
melai pikiram ikau mancatat
leket badehen andi maingat
atei huang kue hinje kambulat

sampai tuh helu kakam basuara
nyandehan huangmu intan garinda
sadar barendeng pikiram barima
halajur bingat kakam jagau linga
tarimakasih pahari samandiai

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel