Lirik Lagu Dayak Ngaju Kalimantan Tengah Kumala - Sarita bandar

Aku handak palampang tarung
nahiu sarita dambung tamanggung
asal lewu ulek labehu garantung
ewendue tarantung raden tanjung

paham karamin lewun tamanggung
kumbang kaliling puna batarung
uju kateluk uju katanjung hung
batang danum nyahu nyaruang duhung

lewun ewendue hapamuntung
ngawa tamanggung ngaju lewun dambung
epat balas teluk epat balas tanjung
lewu due te puna hasambung

lewu tanjung bereng kalingu
aran lewu je bila ngaju
pasar bajajar tuku bajuntu
dambung kapala je rujin lewu

tamanggung dambung batarung pandang
ngaju ngawa kaliling kumbang
baya ewen te tege kakurang
uras jatun mingkes anak tarantang

nyarita tamanggung ja pangkahelu
palus mumpung uluh bakas lewu
rencana mahapan balian uju
bahajat mangat je anak dinu

basir manawur behas bahenda
pahayak asep je manyan raja
palus manyampai labehun jata
uras tarewen uluh lewu penda

jalahan jata uras tarewen 
tawur nyamanan jadi kalunen
palus mansanan jalahan ewen
jata te tumbah je dia memen

rajan jata sama kuasa
mandai pahayak asep manyan raja
munduk manatai tamanggung kapala
palus manenga je bua maja

bua tuh kareh tamanggung andi
akan kinan adiku nyai
manget ie te tau batihi
hajat ketun ingabul jadi

ingat petes bara aku kakam
amun kabalim jadi mangidam
ela talingau pahiau mariyam
anaku busu inenga ku akam

kalute tinai amun huas jadi
pahiau mariam je uju kali
mangat anakmu te pintar barati
hayak gagah menteng bahanyi

nyai palus kuman maja jete
due bulan dia pire pire
palus hubah angatpangkeme
nyai mangidam babelai due

kahanjak tamanggung dia sakakira
nyai mangan dung anak kapala
mariam pahiau palakun jata
hagerek sampai je lewu penda

sampai ampin ambun katikae
tarantang tamanggung inampa arae
sapadan dengan amping kakenae
eka kasinta je indu bapae

biti baseput bakena baputi
inggare bandar ujau maniti
karimanan putuk je limau bali
kalimpangan bara upun kayu janggi

sasar kahai batambah kakenae 
batambah are taluh pangatawa
rajin manumun ajar indu bapae
kakare uluh uras rajin dengae

huang metuh rahat kabujang
lajar bapae cara badagang
taluh je ajar dia mananya hayang
bahanyi mangganti je tingang apang

inggare arae batuen bandar
hatue bakena harati pintar
badagang sampai tanah Banjar
basewut sampai Bugis Makasar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel