Lirik Lagu Dayak Ngaju Kalimantan Tengah Suriadie T Itte - Burung Punei

Jetuh karungut je burung punei
bahalap ngarungut andau halemei
metuh aku tulak namuei
hasundau ije kakawan punei

baya ije bahalap ampi
nyangkelang kakare kula pahari
bahalap bulu malisen biti
ateiku pungut miar malihi

manggau akal tu manawan punei
bara hanjewu sampai halemei
jalanan balang palus bulu bewei
buli maimbit kapehen atei

punei masan je hunjun edan
bahalap ampi kilau rarahan
kahandak atei baya ije kungan
handak tu manawa palus jatun jalan

amun punei jadi hamauh
jantung atei angat baduruh
kasial bereng halajur manampuh
arep susah kabelen uluh

bahalap tu auh je tandun punei
mahi manambah kapehen atei
andau hanjewu nyangkaku halemei
kayu belum nyewutku matei

ampin punei je paham pantas
handak manekap lenge nahapas
akal kurang palalau tapas
manawan burung metuh karigas

hetuh aku nyanta burung
punei tarawan je paham gantung
atei pusang batambah bingung
keleh mahining saritan burung

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel