Lirik Lagu Dayak Ngaju Kalimantan Tengah Astin - Mangirim surat

Auh isut hajamban surat
sarita cinta je jadi muat
lapang itung je tuntang niat
garakan atei dia babehat

ngirim muh surat akang ku andim
malalus kahandak muh je bara bihin
auh mu kaka bajanji kawin
palus kue tangkiri tisin

aku mambalas surat mu kaka
tanda aku narima cinta
sana sampai ikau mambuka
sambil auh muh banada nada

nada surat muh palus bapander
mambasa surat ku je sambil menter
ikau kaka je dia gaer
aluh luwuk handalem tatap ineser

cinta kuh andim je baya ikau
sapanjang umur dia akan nihau
tatap maleket dia talingau
sampai kue tinai hasundau

pahayak auh rayuan surat
manuju aku kambang kabuat
lambaran surat balipet epat
aku narima dia garandat

awi jete aku nah kaka
amun atei puna satia
balaku kaka tau dumah maja
manyupa kaluarga palus indu bapa

mangat pander tau sarukui 
Tuhan kuasa umba nyarurui
tau namunan kapandar apui
dia kulai gita je tau burui

tisin je tanda katutun atei
dia baya auh mu bewei
mansanan cinta mu sampai matei
pander sarita uras imbukei

kute kahandak malati kambang
dengan kaka kakumbang layang
nyarukui maksud je dia balang
umpama jalan jadi batehang

tagal surat asal tamparan
manjadi ije lambar kenangan
memory manjiret tali hubungan
palus maleket jadi ingatan

amun atei je sama cucuk
sama sama mamikir maniruk
kare kahandak uras tau rasuk
cinta je mbina tau tasampuk

itah belum tumun kapakat
diakan lupa dia akan sidat
bele tau sasat padoman ingat
mameteng janji kilau injarat

mangat tajiret dia kan balang
bajanji belum bahentang tulang
ucapan surat muh jadi malayang
manalih ku andim malati kambang

tagal jete aku balaku
dengan kaka kamanuk lewu
ela sampai kue hatanjaru
auh karungut sampai tuh helu

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel