Lirik Lagu Dayak Ngaju Kalimantan Tengah Novie Jutuh - Penyang itah belum

Manyundau tinai kula jalahan
pahayak budaya dayak kalimantan
tarantang biti sarita naladan
pangalaman metuh katika huran

metuh katabela garing tarantang
melai gaduhan je indang apang
hanjak rantang je atei huang
manuntut ilmu mandahang penyang

angat kahandak puna bajuju
aku sakula manuntut ilmu
ampin rajaki je hindai dinu
haranan kasusah manampuh aku

haranan kasusah tuntang saranta
tarantang biti tende sakula
usaha indang apang sama baya baya
hapa manutup ongkos balanja

baya jete en ampi ku denga
nasib bereng kabuat nyarena
itah belum manumun bahagia
bara je isut tuntang sarantang

metuh huran tege hasupa
dengan kaka hatue balinga
kutak pander banada cinta
manggarak atei marasuk jiwa

kasinta kaka baya hanjulu
hubungan kue putus bagetu
inampuh riwut je bara keju
purun kaka malihi aku

iyoh kaka halisang kejau
manggau penyang karuhei tatau
mudahan kaka tege manyundau
penyang pambelum dia mangejau

are bewei ampin manggoda
cobaan belum intu dunia
atei bahajat bacinta doa
balaku asi Tuhan hatala

dia manyangka tuntang mangira
tege rajaki tinai hasupa
dengan kaka gagah bakena
rasuk ampin tampayah mata

kutak kaka je tutu tutu
auh pander marayu rayu
dia akan malihi aku
cinta kaka baya hanjulu

lembut kapehe intu pikiran
mungkin jetuh herah bagian
atei sabar dia putus harapan
dia nyelu jetuh tege nyelu rahian

metuh katika nanjung nahalau
tege tampayah je bara kejau
taharu angat handak hasundau
manampa pikiran je laya layau

aluh dia puji kasene
manjuluk lenge manyurung tabe
hayak dengan kumi tatawe
ampin rajaki je magun tege

hanjak rantang je intu huang
hasundau dengan je jagau tingang
maatur pambelum dia hambilang
nyamah mandinu garing tarantang

jete ampin asin hatala
itah belum ela putus asa
ela manyeneh je ngaju ngawa
maatur pambelum je ela laya

tende hetuh je riwut rawei
auh karungut dia baretei
mahasil gawi je melai bewei
ela manjadi kapehen atei

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel