Lirik Lagu Dayak Ngaju Kalimantan Tengah Syaer sua - Pandang Nalimbas


Kalutuh helu taluh ingesah
akam kakare je tundah kula
jatun kea je bakarinah
hapa manampa kamburan itah

kalutuh bewei sarita insanan
akan kakare tundah jalahan
haranan mangkeme angat pikiran
nampayah kahalap je kilat intan

bawi bahalap je dia gampang
upak baputi potongan sadang
eweh ara je busu pandang
bilang halajur marusak huang

narai isek muh je ulun aku
bawin dayak je bara ngaju
ihat kuh bewei maja hanjulu
haranan mahining ruwut kalingu

lalehan andi kahalap ampim
upak baputi hagining pipim
sadang tampayah kambu kahaim
manarewen dh ku manyundau btm

iyuh aka panatau jagau
hatuen balanga turus panatau
syukur nah aka kue hasundau
kilau kanuah je intan bulau

aku kakam baatei pusang
mahining auh kanderang tingang
riwut kandayu je busu pandang
manggarak bereng mampisik penyang

syukur nah aka amun kalute
Ranying hatalla manyundau kue
baya bewei angat pangkeme
pandang nalimbas ujan marihe

aluh pandang jadi halemei
magun ulih pakasak parei
amun natumba kahandak atei
busu pandang simpei karuhei

lalehan kea auh muh aka
pandang nalimbas mangekei kei rewa
dia ulih mangehu tana
pandang katelu ujan nyalenga

atei kuh kakam paham bajuju
masih handak belum saratus nyelu
amun ku nampayah je pandang sumbu
atei jantung kuh angat bagetu

kilen ampi je itah denga
pandang nalimbas sala katika
kabeken bagie tuntang bagia
jadi sama tege uluh mahaga

iyuh nah andi amun kalute
angat kahandak kuh magun tege
dia baka je kakam bele
amun sama cucuk pampakat kue

pander saritam je sama sadang
iyuh nah aka hatuen tingang
amun mangkeme je itung huang
mantijak gunung manjapang bintang

iyuh nah andi intan garinda
tamuei kuh kakam je ngaju ngawa
manggau je cucuk tampayah mata
uluh je sinta adat budaya

dia badin andim je dia handak
hajamban karungut aku hakutak
ela sampai itah marusak
adat budaya je itah Dayak

lalehan kea kapurumu andi
mambalang kahandak ujau maliti
aku kakam paramisi buli
putar lahuan surung kamburi

akan ikei bawi tabela
marusak pambelum lh paling bahaya
iyuh mangat melai dunia
tapi amun matei tame neraka

sampai hetuh auh sarita
seneh ketun je tundah kula
ela natumba karamin dunia
sampai marusak je rumah tangga

Youtube : Lagu Dayak Ngaju Kalimantan Tengah (Kalteng) - Syaer sua - Pandang Nalimbas


Terima kasih. Semoga bermanfaat ya. GBU

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel