Lirik Lagu Dayak Ngaju Kalimantan Tengah Novia iving - Jagau balinga

Tabe salamat lingu nalatai
hajamban karungut aku manyampai
tundah pahari kula handiai
sarita isut auh nampelai

pahayak karungut tandak sarita
riwut mangumbang bahing suara
jetuh ara kambanganjela
naldan kutak puna barega

kalutuh kesah auh tampara
hasundau hatue jagau balinga
jatun tandingan ampin kakena
bujur halus pander sarita

amun tampayah tau panasaran
jagau balinga dia katawan aran
kahandak angat mimbit kenalan
angat mahamen jete kasala

jatun lembut je bawak kutak
mahalau bewei angat kahandak
nanture mata umba pahayak
angat pikiran je lembut rusak

jagau balinga marusak atei
huang pikiran baya ikau bewei
kilau kana simpei karohei
anta taganang hanjewu halemei

huang ije andau katika
haluli hasundau jagau balinga
katarewen angat dia kira kira
angat baduruh je atei bua

kume tawe jagau balinga
manambah kakena je bau mata
katarewen angat nihau salenga
awi kajenta hatue balanga

manyuluk lenge je palus tabe
jiret sinde angat pangkeme
angat kahanjak dia ije due
mudahan tau je belum hinje

ampin kelakuan gitan babala
jagau balingan je tege rasa
ampin perhatian je tege kea
jete tamparan getaran kacinta

panah asmara jadi mangana
atei pikiran barubah salenga
anta tabayang je bau mata
haban mahalai amun dia hasupa

hakarang indang hakarang apang
mbuhen pikiran kilau je malayang
jantung ateiku je angat pusang
halajur hasundau kahandak huang

hetuh ara tajarat cinta
dengan hatue jagau balinga
mundahan Tuhan mangabul doa
munduk habambai hamban balanga

jagau balinga tajahan atei
melai pikiran cuma ikau bewei
talasan bita kilau pating parei
amun balang keleh ku matei

tikas tuh helu sarita ingambang
akan itah pahari nduang
mudahan itah belum huang kasanang
rajaki mandai baumur panjang

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel