Lirik Lagu Dayak Ngaju Kalimantan Tengah Enun Romanty - Mandau Talawang

Aku handak basarita panjang
manimang isin je mandau apang
balaku misik je ganan penyang
menteng bahanyi patahu antang

kapinatau je mandau bulau
sanaman tengan bawin kariau
selung putir je bawin liau
suluh ambun panyaluh andau

tari kinyah mandau talawang
harikas bawin hatuen betang
hayak nangkeru palus nambarang 
bawn tangkasiang panarap antang

mandau pusaka btng buhumbung
mandau panatau je huma gantung
pusaka dayak utus batarung
kalengan tingkng dmng tamanggung

bahalap imulang je tanduk bajang
bara bukit je pantang antang
mandau dia kangajang rempang
sanaman jangkang je lawan tulang

tari kinyah mandau talawang
bawin betang babalau panjang
mepar tangkerun palus nambarang
njp manantlang dahiang bajngkang

tari kinyah hatue bawie
uluh uras menteng bahanyi
mandau talawang kalindung biti
dia puji kalah amun kalahi

mandau pusaka mantikei tada
nejeb nantilang dahiang baya
hayak mangejau je taluh papa
metu basiak je ganan himba

tari kinyah alun balemu
baringas tambang balinga pulu
batahaseng panjang banyame ambu
mandau pusaka hapa habunu

mandau pusaka hatuen birang
bawin biring batatah bintang
hapa naharep je kayau asang
manyempung lunuk je bara jenjang

kalutuh auh je tandak timang
tari kinyah mandau talawang
mandau pusaka je betang panjang
sewut sarita lampang hagatang

sampai hetuh helu auh sarita
tandak timang mandau pusaka
butung bahumbung mantikei tada
kalengau tangking je mangku singa

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel