Lirik Lagu Dayak Ngaju Kalimantan Tengah Suriadie - Reke reken

Bahalap riak galumbang pasang
ujan marintik pandang mangancang
payak tanjung muh bawi bujang
tajung balenggang ikau manetei

jalan bahalap karatak kancang
nampayah bara gaya tampilan
are macam gaya je hapan
umba manumun putaran jaman
bakas tabela umba bergaya
baju pakaian model korea

reke reken mikeh pahalau
balaw netek mbalun kan lingkau
baju rok mini lenge nahasau
adat budaya ela talingau

reken reken mikeh marusak
balau inetek bajambul sasak
kajuk kajuk bentuk karatak
mering merau je kikik kakak

amun nampayah uluh hatue
kumi marium hureh tatawe
dia paduli kalunen are
sama kilau helu puji hakasene

duh aduh akai atei kuh rusak
nampayah kambang saran karatak
baju rok mini salawar pandak
aduh urang are rami kikik kakak

reke reken mikeh pahalau
adat budaya ela talingau
reke reken mikeh marusak
adat budaya kareh manulak

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel