Lirik Lagu Minang Andra Respati Feat Ovhi Firsty - Adaik Palarai Cinto

Dek kareh adaik di Minang
Bacarai siriah jo pinang
Alah kah batamu
Mangko ka bapisah
Ondeh adiak..ondeh adiak...

Dek mamak nan bakuaso
Mamilah pinangan tibo
Baurak janji cinto
Alah tajalin lamo diantaro kito
Diantaro kito...

Dek saurek jo sabatang
Sarangkai dahan jo gantiang
Dek kito sapasukuan
Disinan kasiah bacarai

Dek denai yo lai cinto
Dek uda baitu pulo
Lah malang apo kadayo
Bapisah juo jadinyo

Di dorong dek kandak bana
Di elo dek cinto hati
Lah malang suratan diri
Di lua sanang didalam batin manangih

Di dorong dek kandak bana
Di elo dek cinto hati
Lah malang suratan diri
Di lua sanang didalam batin manangih

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel