Lompat ke konten Lompat ke sidebar Lompat ke footer

Lirik Lagu Dayak Ngaju Suneta Hanyi - Kasinta hetang tulang

tabe salamat linu nalatai
salam sahujut karende malempang
ije tamparan taluh handiay
nganderang riwut rawey batengkun

aku handak mangambang sarita
tahiu ampin pangalaman cinta
iluh bakas huran masih satia
mandehen janji bara hatala

huang atey andim je yinta
jatun beken hatue balinga
bara pambelum sampai katika
sumpah satia hung tutk jela

sampai ampin lunes pangawin
munduk simpa bapasang tisin
jite bukti manurut janjin
ampin gawin talatah mihin 

munduk hunjun galarantung samban
lenge talunjuk mimbing batang sawang
atuy jagau malati kambang
bajanji belum sampai hantang tulang

kakam tulak namuey kejau
halisang manggau karuhey tatau
melai huma andim paham taharu
aram en yewut satiap andau

tahi kakam tulak namuey
jatun kabar barita sampai
andim manunggu maingat janji
belum setia sehidup semati

sadang katahi babulan bulan
kakam dumah bara jalanan
pandehen bereng santar in hapan
mimbit are panatau panuhan

pancar matam mambintang sawah
atey andim dia nday galisah
nampayah kakam jadi nday dumah
sampai tuh kesah karungut lepah